​ጄሶ ከጤፍ ዱቄት ጋር ቀላቅለዉ በመጋገር ለገበያ አቅርበዋል በሚል ክስ በተመሰረተባቸዉ ግለሰቦች ላይ ዐቃቤ ህግ ምስክሮችን አሰማ፡፡

በኮልፌ ቀራንዮ ክፍለ ከተማ ወረዳ 05 ታቦ

Federal Attorney General

ት ማደሪያ ተብሎ በሚጠራዉ አካባቢ እንጀራ በመጋገርና በመሸጥ ስራ ላይ ተሰማርተዉ የነበሩ አልማዝ ሽፈሬ እና ጥሩሴት ወዳይ የተባሉ ግለሰቦች ከሰኔ ወር 2008 ዓ.ም ጀምሮ የጤፍ ዱቄትን ከጀሶ ጋር ቀላቅለዉ በማቡካት እንጀራ እየጋገሩ ለገበያ እያቀረቡ መሆኑን በአካባቢው ህብረተሰብ በደረሰ ጥቆማ ሐምሌ 11 ቀን 2008 ዓ.ም በፖሊስ ቁጥጥር ስር መዋላቸው ይታወቃል፡፡በመሆኑም ድርጊቱ የኢ.ፌ.ዲ.ሪን የወንጀል ህግ አንቀፅ 32/1ሀ እና 527/1ሀ እና ለ ስር የተመለከተዉን የሚተላለፍ በመሆኑ የፌዴራል ጠቅላይ ዐቃቤ ህግ ኮልፌ ቀራንዮ ፍትህ ጽፈት ቤት ዐቃቤ ህግ ክስ መስርቶባቸዋል፡፡በክስ መዝገቡ ላይ እንደተጠቀሰዉም ተከሳሾች ጄሶን ከጠፍ ዱቄት ጋር በመቀላቀል ለሰዉ ፍጆታ እንደማይበጅ በማድረግ በሰዉ ልጅ ላይ ከፍተኛ የክብደት መቀነስ እስከ ሞት ሊያደርስ በሚችል መልኩ እንጀራ አዘጋጅተዉ ለሽያጭ አቅርበዋል ይላል የፌዴራል ዐቃቤ ህግ ክስ፡፡ በመሆኑም በዋና ወንጀል አድራጊነት በፍፁም የሚጎዳ ወይም የተበላሸ እቃዎችና ምግቦችን መስራትና መሸጥ እንዲሁም ጥራታቸዉን ማርከስ ወንጀል ክሱ እንደተመሰረተባቸዉ የዐቃቤ ህግ የክስ መዝገብ ያትታል፡፡ዐቃቤ ህግ የመሰረተውን የክስ መዝገብ አደራጅቶ መዝገቡን ለፍርድ ቤት ልኳል፡፡ ተከሳሾች የተከሰሱበትን ወንጀል እንዳልፈፀሙ የእምነት ክህደት ቃላቸዉን ለፍርድ ቤት ሰጥተዋል፡፡ ፍርድ ቤቱም እያንዳንዳቸዉ 80 ሺህ ብር ዋስትና አስይዘዉ የዐቃቤ ህግ ምስክሮችን ለመስማት በሰጠዉ ቀጠሮ መሰረት ትናንት ነሐሴ 11 ቀን 2008 ዓ.ም ምስክሮቹ ቀርበዉ የምስክርነት ቃላቸዉን ሰጥተዋል፡፡ በዐቃቤ ህግ መዝገብ ላይ እንደተገለፀዉም ምስክሮች ክሱን እንደ ክስ ዝርዝሩ በመመስከር አስረድተዋል፡፡ የፌደራል መጀመሪያ ደረጃ ፍርድ ቤት ኮልፌ ቀራንዮ ምድብ 2ኛ የወንጀል ችሎት ተከሳሾች ድርጊቱን እንደፈፀሙ በበቂ ሁኔታ የተመሰከረባቸዉ በመሆኑ በተከሰሱበት የህግ ድንጋጌ ተከላከሉ ብሏቸዋል፡፡የተከሳሾችን የመከላከያ ምስክር ለመስማትም ለጥቅምት 4 ቀን 2009 ዓ.ም ፍርድ ቤቱ ተለዋጭ ቀጠሮ ሰጥቷል፡፡ በቀጣይም የፍርድ ውሳኔውን ተከታትለን የምናሳውቅ መሆኑን እንገልፃለን፡፡

ዘገባው:-  የፌደራል ጠቅላይ ዐቃቤ ህግ የህዝብ ግንኙነትና የኮሙኒኬሽን ጉዳዮች ዳይሬክቶሬት ነው፡፡

​የቀድሞ ሚስቱን በመግደል ወንጀል የተከሰሰዉ ግለሰብ በ21 አመት ጽኑ እስራት ተቀጣ::

በቂርቆስ ክፍል ከተማ ቀበሌ 08/09 ክልል ልዩ ቦታዉ ቡልጋሪያ ማዞሪያ መርሲ ሆቴል ተብሎ ከሚጠራዉ አካባቢ ሰኔ 23 ቀን 2006 ዓ/ም በህገ ወጥ መሳሪያ በመያዝ እና በመገልገል የሰዉ መግደል ወንጀል የፈጸመዉ ግለሰብ በጽኑ እስራት መቀጣቱን የፌዴራል ጠቅላይ ዐቃቢ ህግ የአዲስ አበባ ማዕከል ማስተባበሪያ አስታወቀ::

ተከሳሽ ያየህ አዳሙ በ1996 ዓ/ም የወጣዉን የኢ.ፌ.ዴ.ሪ የወንጀል ሕግ አንቀጽ 539/1/ሀ ስር እና 809 ላይ የተደነገገዉን በመተላለፍ በፈፀመዉ ወንጀል በ2 ክስ መከሰሱን የዐቃቢ ህግ የክስ መዝገብ ያስረዳል::ተከሳሽ ሰዉ ለመግደል  በማሰብ ከላይ በተጠቀሰዉ ቀንና ቦታ  በግምት ከጠዋቱ 12 ሰዓት ሲሆን የቀድሞ ሚስቱ ከነበረችዉ ሟች ገነት መኮንን ጋር በነበረዉ ፀብ መነሻነት ቂም በመያዙና እና ሟችን ለመግደል እንዲያመቸዉ አስቀድሞ ባዘጋጀዉ ኢኮልቲ 29 ሽጉጥ መጀመሪያ አንድ ጊዜ በመተኮስ የሟችን የቀኝ እጅ የሙሀል ጣት እና ትከሻዋ አካባቢ ከመታት በኃላ በድጋሜ መሳሪያዉን ወደ ጭንቅላቷ አስጠግቶ በመተኮስ የቀኝ ጭንቅላቷን በመምታት አንጎሏ ወደ ዉጭ እንዲወጣ እና ከፍተኛ ደም እንዲፈሳት በማድረግ ህይወቷ እንዲያልፍ ካደረገ በኃላ ከቦታዉ ለማምለጥ ሲሞክር በአካባቢዎ ሰዎች የተያዘ በመሆኑ በፈፀመዉ የከባድ ሰዉ መግደል ወንጀል እና በ2ኛ ክስ ተከሳሽ ከሚመለከተዉ  ባለስልጣን ህጋዊ ፍቃድ ሳይኖረዉ ከላይ በ1ኛ ክሰ ላይ በተገለፀዉ ጊዜ ቦታና ሁኔታ ወንጀል ለመፈፀም የተገለገለበትን ኢኮልቲ 29 ሽጉጥ ከሁለት ጥይት ጋር ይዞ የተገኘ በመሆኑ በፈፀመዉ የተከለከለ የጦር መሳሪያ መያዝ እና መገልገል ወንጀል ተከሷል::የፌዴራል አቃቢ ህገ ተከሳሹ በፈፀመዉ ወንጀል ተጠያቂ መሆን የሚችልበትን በፖሊስ የምርምራ መዝገብ መሰረት 6 የሰዉ ምስክሮች እና የሰነድ ማስረጃዎች እንዲሁም የሟችን አስከሬን የሚያሳይ ፎቶ ግራፍ በመያዝ በማስረጃነት አቅርቧል ተከሳሹ ተከላከል በተባለበት የግደያ ወንጀል ድርጊቱን ፈፅሜለሁ ጥፋተኛ ግን አይደለሁም ከሟች ጋር አብረን ስንኖር ሳለ ከእኔ ስትለይ ፀንሳ የነበረች ሲሆን አንተን ስለማልፈልግ ፀንሱን አቋርጨዋለሁ ስትላኝ ተናድጀ ደርጊቱን ፈፀሜለሁ በማለት የእምነት ክህደት ቃሉን የሰጠ ሲሆን በ2ኛ ክስ ድርጊቱን ፈፅሜለሁ ጥፋተኛ ነኝ ሲል አመኗል አቃቢ ህግ በበኩሉ በ1ኛ ክስ ምስክሮች ይሰሙልኝ ባለዉ መሰረት በማቅረብ ያሰማዉ ፍርድ ቤቱም ግራ ቀኙን መርምሮ ተከሳሹ በተከሰሰበት 2 የክስ ወንጀል ጥፋተኛ ብሎታል::የቅጣት አስተያየት እንዲያቀርበ የተጠየቀዉ አቃቢ ህግ ተከሳሹ ወንጀሉን ድርጊቱን የፈፀመዉ ከቅርበ ዘመድ በላይ አምናዉ በአንድ ቤት ዉስጥ በትዳር ትኖር በነበረቸዉ ሟች ላይ በመሆኑ ተከሳሹን ሊያርም ሌሎቹን ሊያስተምር የሚችል በድንጋጌ የተቀመጠዉን መጨረሻ ቅጣተ እንዲወሰን ሲል ለችሎቱ አመልክቷል:: ተከሳሹም በበኩሉ የቤተስብ አስተዳዳሪ እና በአእምሮ መታወክ የተፈፀመ በስለሆነ ቅጣቱ እንዲቀልልኝ በማለት ጠይቋል::የፌዴራል ከፍተኛ ፍርድ ቤት አራዳ ምድብ 4ኛ ወንጀል ችሎት መዝገቡን መርምሮ የወንጀል ድርጊቱ አፈፃፀም በጣም ጨካኝነተ አና ነዉረኝነት የሚያሳይ በመሆኑ ተከሳሽ የቀድሞ ባህሪዉ መልካም የነበረ ባለመሆኑ በማክበጃ በመያዝ የቤተሰብ እስተዳዳሪ መሆኑን 2 ማቀለያ በመቀበል ሃምሌ 29 /2008 አመት ምህረት በዋለዉ ችሎት በ1ኛ ክስ በ21 አመት ጽኑ እስራት አንዲቀጣ ሲወስን በ2ኛ ክስ የወንጀል ድርጊቱ አፈፃፀም ከፍተኛ ተብሎ በ100 ብር መቀጮ እና ሽጉጡ በእግዚቢት ለመንግስት ገቢ ይሁን በማለት ወስኗል::ዘገባውን ያጠናቀረው የፌደራል ጠቅላይ  ዐቃቤ  ህግ  የህዝብ ግንኙነትና የኮሙኒኬሽን ጉዳዮች ዳይሬክቶሬት ነው፡፡