የተሻሻለው የገቢ ግብር ረቂቅ አዋጅ ይፋ ሆነ

የገንዘብና ኢኮኖሚ ትብብር ሚኒስቴር የተሻሻለውን የገቢ ግብር ረቂቅ አዋጅ ይፋ አደረገ።
የሚኒስቴሩ የህግ አገልግሎት ዳይሬክተር አቶ ዋሲሁን አባተ፥ ረቂቅ አዋጁ ከዚህ በፊት ከነበረው የተሻሻለ መሆኑን ለፋና ብሮድካስቲንግ ኮርፖሬት ተናግረዋል።
ረቂቅ አዋጁ ተቀጣሪ ሰራተኞች አሁን እየከፈሉት ያለውን የገቢ ግብር መጠን እንዲቀንስ የሚያደርግና፥ የህብረተሰቡን ገቢ ከግምት ያስገባ የገቢ ግብር ምጣኔ፣ ዝቅተኛ እና ከፍተኛ ተብሎ የተቀመጠውን የደመዎዝ የግብር ጣሪያን የሚያሻሽልም ነው።
በአዲሱ ረቂቅ አዋጅ መሰረት ደመዎዛቸው ከ6 መቶ ብር በታች የሆነ ተቀጣሪ ሰራተኞች ግብር አይከፍሉም።
ረቂቅ አዋጁ እንዲሻሻል የተደረገው የሀገሪቱ ኢኮኖሚ ከደረሰበት ደረጃ አንፃር ዝቅተኛው ወርሃዊ ደመወዝ በማደጉ እና ከጊዜው እና የዜጎች ገቢ ጋር የተመጣጠነ የግብር ስርአት ለመዘርጋት መሆኑንም አስረድተዋል።
ሌላው በአዲሱ ረቂቅ አዋጅ የተካተተው የግብር አይነት የንግድ ግብር ሲሆን፥ ከዚህ በፊት ከግብር ነፃ የነበረውን 1 ሺህ 8 መቶ ብር ወደ 7 ሺህ አሳድጎታል።
በዚህ መሰረትም በዓመት 7 ሺህ ብር የኪራይ ገቢ ከግብር ነጻ በመሆን ከዛ በላይ ባለው ላይ ብቻ ግብር ይከፈልበታል።
አንድ ነጋዴ በተተመነበት ግብር ላይ ቅሬታ ቢኖረው፥ የፍሬ ግብሩን፣ መቀጮው እና ወለዱ ታሳቢ ተደርጎ የጠቅላላ ክፍያውን 50 በመቶ በማስያዝ ይግባኝ የሚልበት አሰራርም በረቂቅ አዋጁ ተቀይሯል።
ረቂቁ የግብር ይግባኝን የሚሰማ ራሱን የቻለ ተቋም እንዲቋቋምና የግብር ህግ የሚያዩ የተለያዩ ትርጎሞችን የሚያስቀር አሰራር እንዲፈጠርም ያስገድዳል።
በመጭው ሃሙስ እና ዓርብም በረቂቅ አዋጁ ላይ ከንግዱ ማህበረሰብ፣ ከውጭ ሃገር ኩባንያዎች እና ከሙያ ማህበራት ጋር ውይይት ይደረግበታልም ነው ያሉት አቶ ዋሲሁን።
በውይይት ዳብሮ ለሚኒስትሮች ምክር ቤት ከቀረበ በኋላም እስከ ሰኔ 30 ቀን 2008 ዓ.ም ለህዝብ ተወካዮች ምክር ቤት ቀርቦ፥ ከሃምሌ 1 ቀን 2008 ዓ.ም ጀምሮ ፀድቆ ስራ ላይ እንዲውል እየተሰራ መሆኑንም ነው የተናገሩት።
በዚህም መሰረት ከመቀጠር በሚገኝ ገቢ ላይ ለሚጣለው ግብር ተፈጻሚ የሚሆኑትን ምጣኔዎች በሚከተለው መልኩ አስቀምጧል፤
income_tax_1.png
ሚኒስቴሩ ከዚህ ባለፈም በመኖሪያ ቤት እና በድርጅት ኪራይ የሚገኝ ገቢ ላይ ተፈጻሚ የሚሆኑ ምጣኔዎችንም ይፋ አድርጓል።
በዚህም መሰረት በኪራይ በሚገኝ ገቢ ላይ ተፈጻሚ የሚሆኑት ምጣኔዎችን በሚከተለው መልኩ አስቀምጧል፤
አዲስ አበባ ፣ ግንቦት 29 ፣ 2008 (ኤፍ ቢ ሲ)

Advertisements

ምላሽ ይስጡ

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s